Miraki vatanim qadimiy go'sha,

Bag'ringda yotibdi ajdodim mening.

Miraki, maskanim, jannatsan o'sha,

Ko'zga to'tiyodir tuprog'ing sening.

Nasibamni izlab ketsam yurt kezib, 

Sog'inaman seni, aziz maskanim.

Bag'ringa qaytaman ko'nglimni yozib,

Xushhavo bag'ringda yayraydi tanim.

Viroqli tog'laring chorlaydi meni,

Zilol suvlaringga abad tashnaman.

Hech qaysi maskanga almashmam seni,

Yalpiz bo'ylarida mastman oshnaman.

Ollohim nazari tushgan mehringa,

Suving bir ichganlar qaytar alabatta.

Mehmonni chorlaysan mudom bag'ringa,

Ko'ngli oq mezbonsan doim hizmatda.

Umida Hushvaqtova